طريقة شحن بطاقة بلايستيشن (PSN)

قبل لا تبدأ: دولة حسابك

كود بلايستيشن ينضاف على حساب PlayStation من نفس دولة البطاقة، ودولة البطاقة مكتوبة في اسم المنتج.

وتأكد إنك داخل بالحساب الصح، لأن الرصيد ما ينتقل لحساب ثاني بعد ما ينضاف.

حسابك من دولة ثانية؟ شوف الدول المتوفرة في بطاقات بلايستيشن واختر البطاقة اللي تطابق دولة حسابك.

طريقة إضافة الكود لحسابك

1. بعد إتمام الطلب تلقى الكود في صفحة الطلب وعلى إيميلك.
2. افتح PlayStation Store وسجّل دخولك بحساب PlayStation اللي تبي تشحنه.
3. اضغط على صورة ملفك الشخصي أعلى الشاشة، أو على أيقونة القائمة.
4. اختر «استبدال قيمة الرمز» (Redeem Code).
5. اكتب الكود المكوّن من 12 خانة بدقة، واضغط «متابعة» (Continue). وينضاف الرصيد لمحفظة حسابك.

إذا الكود ما انقبل

• دولة الحساب غير دولة البطاقة: الكود لحساب من نفس دولة البطاقة، فاستخدمه على حساب من دولتها.
• الكود مستخدم من قبل: كل كود ينستخدم مرة وحدة بس. تأكد إنك داخل بنفس الحساب اللي استخدمته عليه، ثم سجّل خروج ودخول عشان يتحدّث رصيدك.
• الكود غير صحيح: تأكد إنك كتبت الـ12 خانة كاملة وبدون أخطاء.

للتفاصيل الكاملة: دليل PlayStation الرسمي لاستبدال رموز القسائم